කාන්තා සංවර්ධන මධ්යස්ථාන - පළමු සය මාසික ලිඛිත පරීක්ෂණය (2026)
අප දෙපාර්තමේන්තුව යටතේ ක්රියාත්මක වන කාන්තා සංවර්ධන මධ්යස්ථානවල පළමු සය මාසික පුහුණු පාඨමාලාව සාර්ථකව නිම කළ සිසුවියන් සඳහා වන ලිඛිත පරීක්ෂණය පැවැත්වීම පිළිබඳවයි.
විභාග තොරතුරු
දිනය: 2026 ජූනි 27 (2026.06.27)
වේලාව: පෙ.ව. 10.00
ස්ථානය: මහනුවර ස්වර්ණමාලි බාලිකා විද්යාලය
සිසුවියන් සඳහා වන විශේෂ උපදෙස් මාලාව
විභාගයට පෙනී සිටින සියලුම සිසුවියන් පහත සඳහන් උපදෙස් පිළිපැදීමට වගබලා ගත යුතුය:
පැමිණීම: විභාගය ආරම්භ වීමට පැය භාගයකට පෙර විභාග ශාලාව වෙත පැමිණ අසුන් ගත යුතුය.
අනන්යතාවය තහවුරු කිරීම:
ජාතික හැඳුනුම්පත (NIC) හෝ අනන්යතාවය තහවුරු කළ හැකි වලංගු සහතිකයක් රැගෙන ආ යුතුය.
නොමැති නම්, ග්රාම නිලධාරීවරයා විසින් සහතික කරන ලද පාස්පෝට් ප්රමාණයේ (Passport Size) ඡායාරූපයක් රැගෙන ආ යුතුය.
නිල ඇඳුම: සියලුම සිසුවියන් පාඨමාලාවට අදාළ නිල ඇඳුමෙන් සැරසී සිටිය යුතුය. (සුදු බ්ලවුසය සහ කළු සාය හෝ කලිසම)
වැඩ පොත් භාරදීම: විෂය නිර්දේශයට අනුව සකසන ලද වැඩ පොත් (Workbooks) 02 රැගෙන ආ යුතුය. විභාග ශාලාවේදී ලබාදෙන විභාග අංකය එහි අලවා අදාළ ස්ථානයට භාර දිය යුතුය.
අවශ්ය ද්රව්ය: විභාගය සඳහා අවශ්ය පෑන්, පැන්සල් සහ තමන්ට අවශ්ය ආහාර/පාන වර්ග සූදානම් කර රැගෙන ආ යුතුය.
විනය සහ හැසිරීම: විභාගය පැවැත්වෙන කාල සීමාව තුළ විභාග කටයුතුවලට බාධා වන අයුරින් කටයුතු කිරීමෙන් වැළකිය යුතුය.
පරිසර පිරිසිදුකම:
තමන් රැගෙන එන ආහාර ද්රව්ය, පොලිතින් බෑග් හෝ කඩදාසි කොළ පාසල් භූමිය තුළ තැන තැන බැහැර නොකළ යුතුය.
වැසිකිළි භාවිතයේදී ඒවා නිසි පරිදි භාවිතා කර පිරිසිදුව තැබීමට වගබලා ගත යුතුය.
